నా  Dairy లో  ఓ  పేజీ...


                                                  

ఆ సాయంత్రం  నా  మనసు ఏం బాగోలేదు.అలా చల్లగాలికి  తిరిగి  వద్దాం  అని  బయలుదేరాను .చొక్కా  వేసుకుందాం  అని  నా  rack దగ్గరకు  వెళ్ళాను .పక్క  rack  లో  సిగరెట్ ప్యాక్  ఒకటి  కనపడింది .రెండు  మూడు  సార్లు  నవీన్  నాకు  సిగరెట్ offer చేయడం  గుర్తు  వచ్చింది .మొదటి  సారి  సిగరెట్  packet చేతికి  తీసుకున్నాను .అందులో  ఇంకా  నాలుగు  మిగిలి  వున్నాయి.పక్కనే  వున్న lighter నన్ను  ఉత్సాహపరిచింది. ఒక  సిగరెట్  చేతికి  తీసుకున్నాను .జేబులో  పెట్టుకుందాం అనుకున్నాను .ఇంకా  చొక్కా  వేసుకోలేదు  అని  గుర్తు  వచ్చింది.దాన్ని  పక్కన  పెట్టి  గబగబా  వేసుకున్నాను .సిగరెట్ని  జేబులో  పెట్టుకొని  ఎవ్వరూ గమనించ కుండా  మెల్లగా  బయటకి  వచ్చాను.
.             

                                    నడవటం  మొదలు  పెట్టాను .సిగరెట్ ని  జీబు  లోనుంచి  నలిగి  పోకుండా  బయటకు  తీసాను. నోట్లో పెట్టు  కొని  జేబులు  తడుముకున్నాను .నన్ను  ఉత్సాహపరిచిన  lighter ని  మరిచాను  అని  గుర్తొచింది.నడక  sudden గా  ఆపేసాను .వెనక్కు  వెళ్ళాలా ? అని  ఆలోచించాను.అగ్గి పెట్టే  అడగటానికి  ఎవరైనా  వున్నారా  అని  చుట్టూ  చూశాను .ఒకడు  కనబడ్డాడు .ఇలాంటి  వాటికి  అన్ని  భలే  కలిసోస్తాయే  అనుకున్నాను .వాడు  ఒక  చిన్న  mini size అగ్గి  పెట్టెను  నా  చేతిలో  పెట్టి  నేను  thanks చెప్పకుండానే  “u r welcome” అని  వెళ్లిపోయాడు ..ఇదేం  ఆనందం  అనుకున్నాను .

                                     
                         నేను  ఒక  ఖాలీగా  వున్న  parking lot చేరుకున్నాను .అగ్గిపెట్టె లోంచి  అగ్గి  పుల్ల  ఒకటి  తీసి ,పుల్ల  వెలిగించాను .సిగరెట్ ని  చేరేలోగా  అది  ఆరి  పోయింది .అరరెయ్  అని  మల్లి  try చేసాను  .ఫలితం మళ్ళీ  అదే .ఈ  సారి  గాలి  వాటానికి వీపు  పెట్టి  జాగర్తగా  ప్రయత్నించాను.. సాధించాను .సిగరెట్  వెలిగించాలి  అంటే  ఇంత  concentration అవసరమా  అనుకున్నాను .ఒక  దమ్ము  లాగాను .దగ్గకుండా వుండడం  నా  వల్ల కాలేదు .మూడు  సార్లు  దగ్గి  ఇంక దగ్గు  పూర్తి  కాకుండానే  మళ్ళి ఇంకొకటి  లాగాను .ఇప్పుడు  కాస్త  better .ఇలా  కాదు  అని  ఈ  సారి  గుండెలదాక లాగాను .కాసేపు  ఏం  అర్థం కాలేదు .పొగ  కూడా  బయటకు  రాలేదు .పొగ  ఎటు  పాయిందా అని  అనుకుంటూ  వుండగా  నాకు  తెలీకుండానే  బయటకు  వచ్హేసింది.ఆ  పొగ ,లోపలి  వెళ్లి  ఎం  చేసిందో  నాకు  తెలీదు .ఒక్క  సారిగా  నా  రక్తం  వేగం  పుంజుకుంది .దాని  friend ని  meet ఐనట్టుగా  ఉరకలు  వేసింది .సర్ర్రున  ఒళ్లంతా  ప్రవహిస్తున్నట్టు  అనిపించింది .నా  వేళ్ళు వణకటం  నేను  గమనించాను .”ఏంటిది ” అని  ఆశ్చర్య పడ్డాను.సిగరెట్  ఐపోతుందేమో  అని  ఇంకో  దమ్ములాగాను .ఈ  సారి  నా అడుగులు  తడబడ్డాయి.తలంతా  బరువు  ఎక్కింది .”ఏం  ఆవతుంది  నాకు ” అనుకున్నా… ఐదో  దమ్ము కి  నా  గొంతు  అంతా  కారం  కారం  గా  మారిపోయింది .తప్పు  చేస్తున్నానేమో   అనిపించింది .“అయినా   life లో  అన్ని  రుచి  చూడాలి లే ” అని  rules ని  నాకు  అనుగుణంగా  మార్చుకున్నాను .ఆరో  దమ్ము  కి  తల  అంతా  మత్హు  గా  తయారైంది .బాగుంది  అనిపించింది .ఇంకో  రెండు  లాగాను .”దమ్ము  లాగి  నట్టున్ధే ” అని  ఆ  పాటలో  ఎందుకు  రాసారో  అప్పుడు  అర్థం  అయింది .సిగరెట్  ఐపోవచింది  అని  చూసి
అయినా  ఇంకొకటి లాగుదాం  అనుకున్నాను ,చివరిదాకా   తాగడం  health కి  మంచిదికాదు  అని  ఎవడో  చెప్పినట్టు  గుర్తుకు  వచ్చింది .దాన్ని   అవతల  పారేసాను.

                          ఒక  కొత్త  అనుభూతి  తో  ఇంటి వైపు  అడుగులు  వేసాను .దీని  కోసమా  అందరూ దీనికి  addict అయ్యేది  అని  అనుకున్నాను .రింగు  రింగులుగా  పొగ  వదులుతారు  కదా అలా try చేయడం  మరిచిపోయానే  అని  అనుకున్నాను .ఈ  సారి  try చేద్దాంలే  అని  అనుకుంటూ  వుండగా ,నేను  సిగరెట్  పారేసే   ముందు  దాన్నిఆర్పానా  లేక  ఆర్పకుండా  పారేసాన   అని  doubt వచ్చింది .వెంటనే  సిగరెట్  వల్ల  జరిగిన  fire accidents అన్ని  గుర్తువచ్చాయి .పరుగు  పరుగున అక్కడికి  వెళ్లి  నేను  పారేసింది  ఎక్కడ  పడిందో  వెతికాను.నా  అనుమానం  నిజమైంది  అది  ఇంకా వెలుగుతూనే  వుంది .పక్కనే  చిత్తుకాగితాల  dustbin వుంది .ఇంతలో  ఎంత  ప్రమాదం  తప్పింది  అనుకున్నాను .వెంటనే  దాన్ని  కసితీరా కాలితో  తొక్కి  ఆర్పేసాను …తల  ఏత్తి చూస్తే  పక్కనే  petrol bunk కూడా  వుంది .నాకు  చెమటలు  పట్టాయి .ఒక  పెద్ద  నిట్టుర్పు  విడిచాను.ఎందుకు మనకి ఈ  కొత్త  అలవాటు   అనుకున్నాను .

                                     ఈ  విషయమే  ఆలోచిస్తూ  ఇంటికి  చేరుకున్నాను .తలుపు  తీసి  హాల్  లోకి  వచ్చి  మళ్ళి తలుపువేసి  లోపలికి   వెళ్లబోయాను ..అంతలోనే  ప్రవీణ్  “ఎం  గురు  సిగరెట్  తాగి  వచావా ?” అని  అందరి  ముందు  అడిగాడు .అప్పుడు  అర్థం  అయింది  నేను  నాతో  పాటు  hall లోకి  సిగరెట్  కంపుని  కూడా  తీసుకు  వచ్హాను అని .”ఆ  just ఊరికే   ..ఎలా  వుంటుందో  చూద్దాం  అని ” అంటూ  ఒక  వెకిలి  నవ్వు  నవ్వాను .

                                   
                                  తరువాత  straight గా  bathroom లోకి  దూరాను .అద్దంలో  పెదవులు  ఏమైనా  నల్లగా  అయ్యఎమో  అని  చూసుకున్నాను  “ఒక్క  దానికి   ఏమవ్తుందిలే ” అనుకున్నాను .నా  నోటి  నుంచి  వచ్చే  వాసనకి  నా  మీద  నాకే  అసహ్యమేసింది .brush అందుకున్నాను  దాని  మీద  1 /2  kg paste వేసుకుని  పళ్ళ ని  ఎడా పెడా తోమేసాను ,ఇప్పుడు  కొంత  మేలు  అనుకున్నాను .”అయినా ఇప్పుడు  నేను  ఎం  అంత  తప్పు  చేసాను ” అని  నా  మనసుని  నేనే  ప్రశ్నించుకున్నాను  నా Conscience convince అవ్వలేదు .అప్పుడు  నేను  తప్పును  ఒప్పుకోవడం  సగం  దిద్దుకోవడంతో  సమానం  అని  తెలుసుకున్నాను .అప్పటికే  side effects మొదలైయ్యాయి.యద అంతా  నొప్పిగా  అనిపించింది  జీవితం  లో  ఎప్పుడూ smoke చెయ్యకూడదు  అంటే  ఓ  సారి  smoke చెయ్యాలేమో  అనిపించింది !!

                                     ఈ  విషయం   అమ్మకి  తెలిస్తే  ఆమె  ఎంత  నొచ్చుకుంటుంది  అని  ఆమె  మొహం  గుర్తు  చేసుకున్నాను .చాల  భాదేసింది .ఒక్కసారిగా  దుఖ్ఖం  కమ్మేసింది .ఎంతో  మనస్తాపానికి  లోను అయ్యాను .బాధని ఆపుకోలేకపోయాను.

                                     ఇంత  బాధకి  నాకు  మెలకువ వచేసింది.కళ్ళు  తెరిచి  చూస్తే  నేను  మంచం  మీద  వున్నాను.టక్కున  లేచి  కూర్చున్నాను.నేను  ఏ  తప్పు  చేయలేదని,నేను  బాధ పడాల్సిన  అవసరం  లేదు  అని ,నా  వ్రతం  చెడి  పోలేదని  తెలిసి  పట్టలేనంత  సంతోషమేసింది .కల  నిజం  కాక  పోతే  కూడా  ఇంత  happy గా  ఉంటుందా అనుకున్నాను ..అంతలోనే  నవీన్  “good morning బాసు ” అంటూ  సిగరెట్  pack తో  కనబడ్డాడు …”very good morning నవీన్  నాకు  ఓ చిత్రమైన  కల  వచ్చింది  ఏంటంటే ….”   అంటూ  మొదలెట్టాను ……

NOTE: cigarette smoking is INJURIOUS to health.
Thank you